1. dövlət imtahan mərkəzi publik hüquqi şəxs azərbaycanda dövlət qulluğu üçün kadrların müsabiqə əsasında seçilməsini, ümumi təhsil pilləsində təhsilalanların yekun qiymətləndirilməsini, orta ixtisas təhsili müəssisələrinə, ali təhsil müəssisələrində ali təhsilin bakalavriat və magistratura səviyyələrinə, azərbaycan milli elmlər akademiyasında magistratura səviyyəsinə mərkəzləşdirilmiş qəbul imtahanlarının keçirilməsini təşkil etmək məqsədilə yaradılır.

fərmanda müəyyən edilir ki, azərbaycan respublikasının dövlət imtahan mərkəzinin idarəetmə orqanı 7 nəfər üzvdən ibarət direktorlar şurasıdır. şura sədrinin, sədr müavinlərinin və digər üzvlərinin vəzifəyə təyin və vəzifədən azad edilməsi, habelə onların səlahiyyətlərinə vaxtından əvvəl xitam verilməsi azərbaycan prezidenti tərəfindən həyata keçirilir.

dövlət imtahan mərkəzinin ilkin nizamnamə fondu bir milyon manat olmaqla dövlət büdcəsinin vəsaiti hesabına formalaşır.

azərbaycan respublikasının dövlət imtahan mərkəzi dövlət qeydiyyatına alındığı andan azərbaycan respublikasının prezidenti yanında dövlət qulluğu məsələləri üzrə komissiya və azərbaycan respublikasının tələbə qəbulu üzrə dövlət komissiyası ləğv edilir və onların istifadəsində olan dövlət əmlakı dövlət imtahan mərkəzinin balansına verilir.

bilmirəm yaxşıdı ya pis amma tqdk fəaliyyəti fikrimcə heç də pis deyildi.